ការណែនាំអោយស្គាល់កម្មវិធី Adobe Photoshop
កម្មវិធី Photoshop គឺជាកម្មវិធីមួយមានប្រជាប្រិយភាព ដែលផ្តល់នូវមុខងារច្រើននិង ភាពងាយស្រួលក្នុងការប្រើប្រាស់ក្នុងការរចនារូបភាព និងកាត់តរូបភាពជាដើម។ នៅក្នុងកម្មវិធី អ្វីដែលយើងអាចធ្វើបានមានដូចជា៖
- អាចបង្កើតផ្ទាំងផ្សាយពាណិជ្ជកម្ម តាមអ្វីដែលយើងចង់បាន រឺរចនាតួអក្សរផ្សេងៗ
- អាចបន្ថែមពណ៌រឺកែប្រែពណ៌ទៅរូបភាព
- អាចប្រើប្រាស់សំរាប់ការបោះពុម្ព រឺយកទៅដាក់លើវេបសាយជាដើម
- អាចច្នៃប្រឌិតបង្កើតអ្វីដែលថ្មី ប្លែកៗ និងការងារជាច្រើនទៀត
ប្រសិនបើអ្នកចង់ចាប់ផ្តើមប្រើប្រាស់ កម្មវីធី Photoshop ប៉ុន្តែអ្នកមិនដឹងថាត្រូវចាប់ផ្តើមពីកន្លែងណា, ពូកយើងនឹងបង្រៀនអ្នកពីមូលដ្ឋានគ្រឹះរបស់វា។
២. ស្វែងយល់អំពី Toolbar របស់ Photoshop
ពួកយើងនឹងធ្វើការបង្ហាញអំពី tools របស់ Photoshop ដោយពន្យល់អំពីការប្រើប្រាស់ និងលើកឧទាហរណ៍មកបង្ហាញ។
Move Tool (V) គឺជា Tool ដែលអនុញ្ញាតឲ្យអ្នកធ្វើការរំកិលនូវរូបភាព ទៅទីតាំងណាក៏បាននៅលើផ្ទាំង Photoshop។ ដើម្បីប្រើប្រាស់វា អ្នកត្រូវចុច mouse ឲ្យជាប់នៅលើរូបភាពនោះ ហើយនៅពេលដែលយើងអូស mouse រូបភាពនិងចល័តតាម mouse។
Marquee Tool (M) គឺជា tool អនុញ្ញាតឲ្យយើងជ្រើសរើសយកផ្នែកណាមួយរបស់រូបភាព ទៅតាមរាងជា ចតុកោណកែងឬ អេលីបជាដើម។
Lasso Tool (L) គឺជា tool អនុញ្ញាតឲ្យយើងជ្រើសរើសយកផ្នែកណាមួយរបស់រូបភាពទៅតាមរាងដែលយើងចង់បាន ។ ក្នុង tool នេះមានដូចជា៖ Polygonal Lasso Tool និង Magnetic Lasso Tool។
Magic Wand (W) គឺជា tool ដែលអនុញ្ញាតឲ្យយើងជ្រើសរើសយកផ្នែកណាមួយរបស់រូបភាពដោយវា select យកផ្ទៃដែលមានពណ៌ ដូចគ្នារហូតដល់ផ្ទៃដែលមានពណ៌ផ្សេងគ្នាវានិងបញ្ចប់ការselectត្រឹមនឹង។ Tool មួយនេះត្រូវបានដើម្បីលុបនូវផ្ទៃខាងក្រោយរបស់រូបភាពបាន។
Crop Tool (C) ត្រូវបានគេប្រើដើម្បីកាត់រូបភាពទៅតាមទំហំដែលអ្នកចង់បាន។
Eyedropper tool (I) អនុញ្ញាតឲ្យយើងផ្លាស់ប្តូរព៌ណនៅផ្ទៃខាងមុខនៃរូបភាពទៅតាមពណ៌ដែលយើងចង់បាន។
Paintbrush tool (B) ប្រើសំរាប់ឲ្យយើងគូសលើរូបភាពដោយមាន style ដូចជា៖ Brush tool, Pencil tool or Mixer Brush tool។
Clone stamp (S) អនុញ្ញាតឲ្យយើងជ្រើសរើសយកផ្នែកណាមួយនៃរូបភាពដើម្បីប្រើប្រាស់ផ្នែកនឹងទៅគូសលើផ្នែកផ្សេងទៀតនៃរូបភាព។ នៅពេលដែលយើងគូសចប់ Photoshop នឹងមិនបញ្ចូលនូវរូបដែលយើងបានគូសជាមួយផ្ទៃដើមទេ។
History Brush (Y) អាចឲ្យយើងកែប្រែរួបភាពរបស់ឲ្យទៅជាទម្រង់ដើមក្នុងពេលណាមួយ។ Photoshop រក្សារទុកដាននៃការកែប្រែលើរូបភាពរបស់យើង (ជាទូទៅ វាធ្វើការកត់ត្រាបាន ៥០ដាននៃការកែប្រែ) ហើយ History Brush អនុញាត្តិឲ្យយើងកែប្រែរួបភាពដែលយើងបានកែប្រែទៅជាទម្រង់ដើម។
ឧ. យើងបានបន្ថែមពន្លឺទៅលើរូបភាពទាំងមូល ប៉ុន្តែយើងចង់ធ្វើឲ្យកន្លែងមួយមើលទៅដូចរូបដើមពេលមិនទាន់បន្ថែមពន្លឺ ដូច្នេះយើងអាចជ្រើសប្រើ History Brush ទៅផាត់ពីលើកន្លែងនោះ ដើម្បីធ្វើឲ្យវារៀងងងឹតវិញ។
Eraser Tool (E) មុខងាររបស់វាដូចបេះបិទទៅនឹង Paintbrush ប៉ុន្តែខុសត្រូវចំនុចមួយគឺវាប្រើសម្រាប់លុប មិនមែនគូរទេ។
=======================
ប្រភពពី ៖ www.isophal.info
